Polis helikopteri Ali Məhkəmənin binasına hücum edib

10:13   28 İyun 2017 107 baxış
Polis helikopteri Ali Məhkəmənin binasına hücum edib

Venesuelanın paytaxtı Karakas şəhəri üzərində uçan polis helikopterinin pilotu əhalini hökumətə qarşı çıxış etməyə çağırıb, daha sonra isə Ali Məhkəmənin binasına hücum edib.

 

Bu barədə Venesuelanın rabitə və informasiya naziri  Ernesto Vilyeqas bildirib.

 

“Bir nəfər respublikaya qarşı silah qaldırıb. O, helikopteri qaçıraraq Ali Məhkəmənin binasına hücum edib”, – deyə o qeyd edib.

 

Məlumatı Venesuela prezidenti Nikolas Maduro təsdiqləyib.

 

“Helikopterdə olanlardan biri ABŞ-ın Mərkəzi Kəşfiyyat İdarəsi ilə təmasda olan sabiq DİN rəhbəri Rodriqes Torresin pilotu olub”, – deyə Maduro qeyd edib.

 

Onun sözlərinə görə, helikopterdən  məhkəmə binasına iki əl qumbarası atılıb. Onlardan biri yalnız biri partlayıb: “İnsident nəticəsində yüzlərlə insan yaralana bilərdi”.

Mənbə: APA

Şərh yaz

comments

Şərh üçün bağlıdır.